Жаңалықтар

Атырауда 4600-ге жуық жасөспірімге вакцина салынды

Атырауда 4600-ге жуық жасөспірімге  вакцина салынды
Фото: Видеодан кадр 21.05.2024 15:00 365

Атырау облысында ТЖ режимі жарияланғалы бері, инфекциялық аурулардың алдын алу мақсатында 18 жасқа дейінгі 4600-ге жуық жасөспірімге А вирустық гепатитіне қарсы вакцина салынған, деп хабарлайды El.kz ақпарат агенттігі.

Атырау облысының санитарлық-эпидемиологиялық бақылау департаменті басшысының орынбасары Алтынгүл Аймұратованың айтуынша, тасқын қауіпіне байланысты, Атырауда балалар мен жасөспірімдерге вакцина салу қарқынды жүріп жатыр.

Негізінде бұл вакцинаны балалар 2 жасқа дейін алып болуы керек. Бірақ, түрлі себептермен вакцинаны уақытында алмаған балалар өте көп. Тасқын болып жатқан аумақтарда инфекциялық аурулардың таралуын болдырмау мақсатында, А вирустық гепатитіне қарсы вакцина бұрын екпе алмаған 18 жасқа дейінгі жасөспірімдерге салынып жатыр. Облыста ТЖ режимі жарияланғалы бері 18 жасқа дейінгі 4600-ге жуық жасөспірім А вирустық гепатитіне екпе алды, - деді спикер Алтынгүл Аймұратова.

Атырау облысы санитарлық-эпидемиологиялық бақылау департаментінің мәлімдеуінше, облыс бойынша су тасқыны кезінде вирустық жұқпалы аурулармен ауырған науқас тіркелмеген.

21 мамыр күнгі мәлімет бойынша, Атырауда тасқын болып жатқан аумақтарда санитарлық эпидемиологиялық ахуал тұрақты.

Бөлісу:
Telegram Қысқа да нұсқа. Жазылыңыз telegram - ға