Жаңалықтар

Атырау облысында өртенген қамыс аумағы 1 мың гектарға жетті

Атырау облысында өртенген қамыс аумағы 1 мың гектарға жетті
Фото: ТЖМ баспасөз қызметі 04.03.2024 20:22 467

Атырау облысының Құрманғазы ауданында Каспий теңізінің жағалауындағы өртенген қамыстың аумағы 1000 гектарға жетті, деп хабарлайды El.kz ақпарат агенттігі.

4 наурызда бастап әуеден барлау жүргізу үшін, ТЖМ «Қазавиақұтқару» АҚ МИ-8 тікұшағы жұмылдырылып отыр. Батпақты жерлерде 20 га аумақта қамыс өсімдіктерінің бықсу жағдайы орын алуда. Жалпы жанған аумақ көлемі 1000 га құрайды. Оның ішінде 200 га аумақ ТЖД күштерімен сөндірілген, ал 780 га аумақ өздігінен сөнгендігі анықталды. 

Өртті сөндіруге Атырау облысы ТЖД, Құрманғазы орманшылығынан барлығы 37 адам, 1 бірлік техника, 4 мотопомпа, 3 моторлы қайық жұмылдырылды.

Жануды сөндіру жұмыстары жалғасып жатыр. Айта кету керек, жердің сулы-батпақты болуы, жолдардың болмауы жануды сөндіруге қиындық тудырып отыр.

Бөлісу:
Telegram Қысқа да нұсқа. Жазылыңыз telegram - ға