Астанаға Ауғанстаннан 210 адамнан тұратын делегация келді
![Астанаға Ауғанстаннан 210 адамнан тұратын делегация келді Астанаға Ауғанстаннан 210 адамнан тұратын делегация келді](/storage/storage/element/2023/08/02/mainphoto/62161/1200xauto_PGxA99chfCYijeoVkPqIMkc8A44mEviojxPqaHVL.jpg)
Фото: t.me/KZgovernment
Фото: t.me/KZgovernment
02.08.2023 11:11
1595
Астанаға Ауғанстанның өнеркәсіп және сауда министрі Нуриддин Азизи бастаған 210 адамнан тұратын бизнес-делегация келді, деп хабарлайды El.kz ақпарат агенттігі.
Үкіметтің баспасөз қызметінің мәліметінше, делегацияны әуежайда премьер-министрдің орынбасары – сауда және интеграция министрі Серік Жұманғарин күтіп алды.
2 тамызда Қазақстан және Ауғанстан компанияларының презентациялары, B2B келіссөздері өтеді.
3 тамызда бизнес-форум жұмысын бастайды, ал 4 тамызда елорда тұрғындары мен қонақтарына ауған тауарларының көрмесі (EXPO, Конгресс-орталық) ашылады.
Көрмеде Ауғанстаннан түрлі азық-түлік, мыс ыдыстар, мәрмәр, кілемдер, зергерлік бұйымдар және басқа да көптеген тауарлар ұсынылады.
Бөлісу:
![Telegram](https://el.kz/static/site/images/tel26.png)
Келесі жаңалық
Жамбыл өңірінде алғашқы ревматологиялық орталық ашылды