Астанадан шығатын барлық бағыттағы жол жабылды
Оған ауа райының нашарлауы себеп болған
Астана қаласынан шығатын барлық бағыттағы жол жабылды, деп хабарлайды El.kz ҚазАқпаратқа сілтеме жасап.
1 наурыз күні сағат 00.00 бастап республикалық маңызы бар «Астана - Ерейментау - Шідерты» тасжолының 16-200 шақырым аралығында көлік қозғалысына тыйым салынған.
Бұл – Астана қаласынан Павлодар облысының шекарасына дейінгі учаске.
Жолдың жабылуына қатты көктайғақ себеп болып отыр.
Одан бөлек, түнгі 00.00-де Астана-Қорғалжын тасжолының 19-124 шақырым аралығы жабылды.
Сонымен қатар 28 ақпан түнгі 23.15 бастап боранға байланысты «Қызылорда-Павлодар» автожолының 1367-1258 шақырым аралығында Ленин кентінен Екібастұз қаласына дейінгі жолда бүкіл көлік түрлеріне шектеу енгізілді.
Еске салайық, бұған дейін екі өңірдегі жол учаскесінің ашылғандығы туралы жазған болатынбыз.
Қысқа да нұсқа. Жазылыңыз telegram - ға