Астанада көпқабатты үйдің ауласында бала көз жұмды, деп хабарлайды El.kz ақпарат агенттігі.
23 сәуір күні елордадағы «Капитал Парк» тұрғын үй кешенінің ауласында, Әл-Фараби көшесінде 38 жастағы жүргізуші велосипед теуіп жүрген 6 жасар баланы қағып кеткен. Бала алған жарақаттарынан ауруханада көз жұмды.
Полиция жүргізушілерге аулалар мен тұрғын аймақтарда аса мұқият болу қажеттігін ескертеді. Бұл мұндай алғашқы жағдай емес - наурыз айында Астана мен Қосшыда да балалар көлік астында қалып, қаза тапқан еді.
