Астанада 23 тамыз – Құрылтай депутаттарын сайлау күні 25 сәби дүниеге келді. Бұл туралы елорда әкімдігі мәлім етті.
Қаладағы медициналық ұйымдардың мәліметінше, жаңа туған нәрестелердің 14-і – ұл, 11-і – қыз.
Ел тұрғындары сайлау учаскелерінде өз таңдауын жасап жатқанда, елордадағы 25 отбасы жаңа туған сәбилерін қарсы алды.
Қаланың босандыру ұйымдарындағы дәрігерлер мен медицина қызметкерлері аналар мен жаңа туған нәрестелерге тәулік бойы қажетті медициналық көмек көрсетіп жатыр.
Елордада ана мен бала денсаулығын қорғау, жүктілік және босану кезеңіндегі медициналық көмектің қолжетімділігі мен сапасын арттыру жұмыстары жалғасуда.
