Астана қаласындағы Қазақ елі алаңында 7 мамыр күні сағат 11:00-де Отан қорғаушы күніне арналған плац-концерт өтеді.
Елорда әкімдігінің хабарлауынша, іс-шара аясында көрермендерге әскери оркестрлер мен мемлекеттік органдардың саптық есептоптарының қатысуымен мерекелік бағдарлама ұсынылады. Сондай-ақ саптық дайындық элементтері мен салтанатты бөлімшелердің көрсетілімдік қойылымдары да сахналанады.
Плац-концертке Мемлекеттік күзет қызметі, Қорғаныс министрлігі, Ішкі істер министрлігінің Ұлттық ұланы, Ұлттық қауіпсіздік комитетінің Шекара қызметі және Төтенше жағдайлар министрлігінің өкілдері қатысады.
