Жаңалықтар

Астанада гүл сататын дүкеннің әйнегін сындырған вандал айыппұл арқалады

Астанада гүл сататын дүкеннің әйнегін сындырған вандал айыппұл арқалады
Фото: Астана әкімдігінің баспасөз қызметі 23.05.2024 20:19 357

Елордада вандализм мен қоғамдық тәртіпті бұзудың кез келген көріністерімен белсенді күрес жалғасуда. Құқық қорғау органдары кезекті вандалдарды анықтады, деп хабарлайды El.kz ақпарат агенттігі Астана әкімдігінің ресми сайтына сілтеме жасап.

Мысалы, 21 сәуірде сағат 14:10 шамасында «Орталықтандырылған кітапхана жүйесі» КММ кіреберісінде 1986 жылы туған ер адам жарнамалық құрылымға зақым келтіріп, 80 мың теңге көлемінде залал келтірген.

4 мамырда сағат 12:40-та Іле көшесіндегі Гиппократ дәріханасында 1986 жылы туған адам мен 1992 жылы туған сатушы арасында жанжал болды. Содан кейін бұзушы дәріхананың алдыңғы есігін тепкілеп, сындырған.

18 мамырда елордада тағы да вандализм актісі болды. Таңғы сағат 05:00 шамасында Бейбітшілік көшесі, 75 мекенжайындағы 24 жастағы ер адам мас күйінде «Надар» гүл дүкенінің алдыңғы есігінің әйнегін сындырған.

Нәтижесінде құқық бұзушы әкімшілік құқық бұзушылық туралы кодекстің 147-1-бабы бойынша сотталды. Оған 20 АЕК (73 840 теңге) айыппұл салынды.Барлық бұзушылықтар айыппұл түрінде жазаланды.

Естеріңізге сала кетейік, Астанада «Stop, вандал!» өтуде. Оны еріктілер, белсенділер, белгілі спортшылар, ҮЕҰ өкілдері, қала тұрғындары, аудандық әкімдіктер мен қалалық полиция департаментінің есірткі қылмысына қарсы күрес басқармасының қызметкерлері, мәслихат депутаттары қолдады.

Акция аясында қалада күндізгі және түнгі рейдтер, сондай-ақ тұрғындар арасында қоғамдық тәртіпті сақтау және қала мүлкіне ұқыпты қарау қажеттілігі туралы түсіндіру жұмыстары жүргізіледі.

Бөтеннің мүлкіне қасақана зақым келтіру әкімшілік жауапкершілікке әкеп соғады. Вандализм жасағандар жазасыз қалмайды.

Жыл басынан бері сот 120-дан астам адамды бөтеннің мүлкін қасақана бүлдіргені, жалпы аумақтарды ластағаны, ғимараттар мен тұрғын үй-жайларды бүлдіргені үшін жазаланды. Олардың барлығы жауапқа тартылды.

Бөлісу:
Telegram Қысқа да нұсқа. Жазылыңыз telegram - ға