Астанада екі газ жылу станциясын іске қосу жоспарлануда — Жеңіс Қасымбек
Әкім құрылысы басталған нысандардың жұмысымен танысты
Елорда әкімі Жеңіс Қасымбек газ жылу және ауыз су станцияларының құрылысының барысымен танысты, деп хабарлайды El.kz ақпарат агенттігі Астана әкімінің ресми Instagram әлеуметтік желісіне сілтеме жасап.
Қалада жайлы өмір сүру - тіршілікті қамтамасыз ету жүйелерінің жұмысына байланысты. Қала тұрғындарының саны жыл сайын өсіп келе жатқанын ескере отырып, жұмыс істеп тұрған тіршілікті қамтамасыз ету нысандарының қабілеттілігіне көңіл бөліп қана қоймай, жаңаларын да салу қажет, - деді Астана қаласының әкімі Жеңіс Қасымбек.
Қаланы аралау барысында осыған дейін құрылысы басталған нысандардың жұмысымен танысты. Олар - газ жылу станциялары, ауыз су станциясы (ССС-3), ЖЭО-3.
Екі газ жылу станциясын («Тұран», «Оңтүстік-Шығыс») келесі жылыту маусымынан (2023 жылы) бастап іске қосу жоспарланып отыр. Олар жылумен жабдықтау көлемін едәуір арттыруға, құрылысы қарқынды түрде жүріп жатқан болашақ аудандарды жылумен қамтуға мүмкіндік береді. Жаңа газ жылу станцияларының қуаты ЖЭО-3 қуатынан асып түседі. Мәселен «Тұран» газ жылу станциясы 8 млн шаршы метр тұрғын үйді жылыта алады.
ЖЭО-3-ке тоқталар болсақ, қалаға қажетті нысанның ұзақ құрылымды екені белгілі. 2023 жылы ЖЭО-3 жұмысын іске қосу міндеті қойылды. Қуаты - 3,5-4 млн шаршы метр тұрғын үй.
Сол сияқты қаланы қосымша ауыз сумен қамтамасыз ету жоспарда. Ауыз су станциясының да (ССС-3) толық іске қосылуы келесі жылға жоспарланып отыр. ССС-3 қуаты - тәулігіне 100 текше метр судан асады.
Қаланың қазіргі даму қарқынына сәйкес жаңа тіршілікті қамтамасыз ету нысандарының да қуаты жеткіліксіз. Сол себепті Астананың 2035 жылға дейінгі Даму бас жоспарының жобасына қосымша ауыз су станцияларының, жылу станцияларының құрылысы енгізілуде.
Посмотреть эту публикацию в Instagram
Қысқа да нұсқа. Жазылыңыз telegram - ға