Астанада бірнеше көше жөндеуге жабылады
Фото: ©El.kz/Арман МҰХАТОВ
Фото: ©El.kz/Арман МҰХАТОВ
05.07.2023 21:55
630
Елордада жол жөндеу жұмыстарына байланысты Тұран даңғылы ішінара жабылады, деп хабарлайды El.kz ақпарат агенттігі.
«109» қызметінің мәліметінше, Тұран даңғылында Сарайшық көшесінен бастап «Тұлпар» көпіріне дейінгі учаскесінде орташа жол жөндеу жұмыстары жүріп жатыр. Олар кезең-кезеңімен атқарылмақ. Осыған байланысты 6-8 шілде аралығында Тұран даңғылынан Сарайшық көшесінен бастап Қорғалжын тасжолына дейінгі учаскесінде қозғалыс толығымен жабылатын болады.
Сонымен қатар 8-10 шілде аралығында Қорғалжын тасжолынан «Тұлпар» көпіріне дейінгі учаскеде қозғалысқа толығымен тыйым салынады.
Астана тұрғындары мен қонақтары жолда кептеліс тудырмау үшін өз маршруттарын алдын ала жоспарлауы қажет.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Астанада Берік Молжігіттің жеке көрмесі ашылды
Келесі жаңалық
2023 жылы Қазақстанға екі есе көп турист келді