Жаңалықтар

Астанада әскери қызметкердің басына оқ тиіп, көз жұмды

Фото: Әлеуметтік желі

Фото: Әлеуметтік желі 09.10.2023 15:11 2163

Аталған ақпаратты Ұлттық ұланның баспасөз қызметі растады, деп хабарлайды El.kz ақпарат агенттігі.

Қайғылы оқиға 9 қазанда болған. 6636 әскери бөлімнің әскери қызметшісі қатардағы Қайсар Сұлтанов әскери қалашықты күзету жөніндегі кезекші бөлімшенің құрамына кірген.

Сағат 01:20 шамасында штаб бойынша кезекші және бөлімше командирі қызметті тексеру кезінде қатардағы Сұлтановтың өз бекетінде басына оқ атып, жаралы жатқанын байқады. Жедел жәрдем жеткенше ол көз жұмды, – деп мәлімдеді ұлттық ұланның баспасөз қызметі.

Сондай-ақ оқиғаның мән-жайы анықталып жатқаны атап өтілді. Қызметтік тергеу жүргізілуде.

Бөлісу: