Жаңалықтар

Қарқаралыдағы Мәдениет үйіне Шолпан Жандарбекованың есімі берілді

Биыл оның туғанына 100 жыл толды
Қарқаралыдағы Мәдениет үйіне Шолпан Жандарбекованың есімі берілді
Фото: gov.kz 04.10.2022 14:07 1433

Қарқаралы ауданының мәдениет үйіне белгілі қазақ актрисасы, дарынды педагог Шолпан Жандарбекованың есімі берілді, деп хабарлайды El.kz Қарағанды облыс әкімдігіне сілтеме жасап.

– Белгілі қазақ актрисасы Шолпан Жандарбекованың есімін беру туралы шешім Үкіметтің қаулысымен бекітілген. Еңді Мәдениет үйі еңбек сіңірген актрисаның есімімен аталады, – дейді Қарқаралы ауданы әкімдігінің баспасөз хатшысы Баршын Жұмаханова. – Мәдениет үйінің сахнасында біздің атақты жерлесіміздің ізімен жүретін және оның жолын жалғастыратын жаңа жұлдыздар жанатынына сенімдімін.

Шолпан Жандарбекова 1922 жылы 1 қаңтарда Қарқаралы ауданы Милыбұлақ ауылында дүниеге келген. Алматы қаласындағы театр-көркемсурет училищесін бітірген. 1941 жылдан – Мұхтар Әуезов атындағы Қазақ драма театрының актрисасы.

Өмірінің соңына дейін өнер ғибадатханасында жұмыс істеп, онда 200-ден астам рөл ойнады.

Сондай-ақ кинода ойнады, Ш.Аймановтың студиясында кинорежиссер болып жұмыс істеді. Педагогикалық қызметпен айналысты-Т. Жүргенов атындағы Қазақ ұлттық өнер академиясында актер шеберлігінен сабақ берді.

Бөлісу:
Telegram Қысқа да нұсқа. Жазылыңыз telegram - ға