Ақтөбе облысында қар құрсауында қалған жолаушылар құтқарылды
Фото: Видеодан алынған кадр
Фото: Видеодан алынған кадр
06.02.2024 13:19
455
Ақтөбе облысында үшінші күн қатарынан қатты боран басылмай тұр. Қазіргі уақытта көліктің барлық түрлері үшін халықаралық маңызы бар Самара-Шымкент тасжолының Ақтөбе қаласынан Әйтеке би ауданы Қарабұтақ ауылына дейінгі бөлігі жабылды, деп хабарлайды El.kz ақпарат агенттігі.
Жол қауіпсіздігін қамтамасыз етуге 50-ден астам полиция қызметкері, 17 патрульдік автокөлік жұмылдырылды. Олар тәулік бойы блок бекеттерде болады. Сондай-ақ жолдардың жабық учаскелерінде қалып қойған жолаушыларға көмектеседі.
Полиция жолда жүрген басқа да мекемелердің өкілдерімен бірлесіп, 30-ға жуық жеңіл және 20-дан астам жүк көлігін қар құрсауынан шығарып алды. Жол сақшылары азаматтарды алыс сапарлардан бас тартуға және метеорологиялық жағдайды ескеруге шақырады.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Отбасындағы ұрыс-керіске тілі ұзын әйелдер кінәлі - депутат
Келесі жаңалық
Павлодар облысында жол-көлік апатынан екі бала зардап шекті