Жаңалықтар

Ақтауда жолаушы такси жүргізушісін өлтіріп, өзі ауруханаға түсті

Ақтауда жолаушы такси жүргізушісін өлтіріп, өзі ауруханаға түсті
Фото: ©pixabay.com 24.05.2024 10:02 611

Ақтау іргесіндегі «Адай» базасының аумағында жолаушы такси жүргізушісін өлтірген, деп хабарлайды El.kz ақпарат агенттігі.

Оқиға 22 мамыр күні түнде болған. Такси жүргізушісі жолаушыны алып кетуге барғанда сөзі жараспай онымен төбелесіп кеткен. Ақырында жолаушы такси жүргізушісін өлтіріп, үйіне кетіп қалған. Жолаушы да пышақтан жарақат алған. Артынша облыстық ауруханаға түскен.

Облыстық көпсалалы аурухананың баспасөз қызметі науқастың 22 мамыр күні іш қуысының пышақ жарақатымен түскенін хабарлады.

1979 жылы туған науқасқа кеше сағат 22:20-да шұғыл ота жасалды. Науқас қазір жансақтау бөлімінде жатыр, – делінген хабарламада. 

Полиция оқиғаға қатысты түсінік берді.

Кісі өлтіру дерегі бойынша қылмыстық іс қозғалды. Күдікті ұсталды. Тергеу мүддесіне байланысты өзге ақпарат жария етілмейді, - деп хабарлады өңірдің полиция департаменті.

Бөлісу:
Telegram Қысқа да нұсқа. Жазылыңыз telegram - ға