Жаңалықтар

АҚШ-та алапат құйыннан жеті адам қайтыс болды

АҚШ-та алапат құйыннан жеті адам қайтыс болды
Фото: ©El.kz 27.05.2024 07:19 339

АҚШ-тың Техас штатының солтүстігінде алапат құйын кем дегенде жеті адамның өмірін жалмады, деп хабарлайды El.kz ақпарат агенттігі.

Fox 4 мәліметінше, ондаған адам әртүрлі дәрежедегі жарақат алған.

Негізінен Вэлли-Вью шаһарында зардап шеккендер көп.

Кем дегенде жеті адам, оның ішінде екі бала көз жұмды, ондаған адам жарақат алды. Билік құрбандар саны әлі артады деп қауіптеніп отыр, - делінген телеарна мәліметінде.

Алапат құйын жанармай құю бекетін толықтай жойып жіберген, сол маңдағы дүкенде 80-ге жуық көлік жүргізушісі болған. Жергілікті шериф олардың арасында зардап шеккендер жоқ деп мәлімдеме жасады.

Бөлісу:
Telegram Қысқа да нұсқа. Жазылыңыз telegram - ға