Ақмола облысында техниканы сақтауға арналған орында өрт болды
Фото: ҚР ТЖМ
Фото: ҚР ТЖМ
09.03.2024 09:03
418
9 наурыз күні сағат 02:26-да Целиноград ауданының Талапкер ауылында 100 шаршы метр алаңда техниканы сақтауға арналған шағын бөлмеде өрт болды, деп хабарлайды El.kz ақпарат агенттігі.
ТЖМ мәліметінше, қызыл жалынды ауыздықтауға Ақмола облысы ТЖД жеке құрамынан 4 құтқарушы және 1 бірлік техникасы Астана қалалық ТЖД жеке құрамынан 14 құтқарушы және 3 бірлік техникасы жұмылдырылды.
Өрт сөндірушілер өрттің газ-жанармай құю станциясының моноблогына таралуына жол бермеді, сондай-ақ 2 КамАЗ-ды, 2 тиегішті және 1 газ тасымалдағышты өрттен құтқарды, 10 газ баллон шығарылды, - делінген мәліметте.
Өрт сағат 03:24-те оқшауланды, сағат 03:54-те жойылды. Ал күзетші Астана қалалық №1 ауруханаға жеткізілді.
Өрттің шығу себебі анықталуда.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Солтүстік Қазақстанда өрттен екі бала құтқарылды