Анна Данилина әлемдегі үздік он теннисшінің қатарына кірді
Бұл – оның спорттық жолындағы жеке рекорды![Анна Данилина әлемдегі үздік он теннисшінің қатарына кірді Анна Данилина әлемдегі үздік он теннисшінің қатарына кірді](/storage/storage/element/2023/01/09/mainphoto/32966/1200xauto_AuY3iQ4m0gIEEoYdigQ2z2T1OHEiVb8niAfkD4W7.jpg)
Қазақстандық Анна Данилина жұптық сында алғаш рет әлемдегі үздік он теннисшінің қатарына кірді, деп хабарлайды El.kz ақпараттық агенттігі.
Қазақстан теннис федерациясынан мәлім еткендей, А.Данилина бүгін жаңартылған әлемдік рейтингіде 11-ден 10-орынға көтерілді.
Бұл – оның спорттық жолындағы жеке рекорды.
А.Данилина үндістандық Саня Мирзамен бірге Аделаида-2 (Аустралия) WTA 500 турнирінің алғашқы айналымында бүгін осы жарыстың бірінші ракеткалары, чехиялық Барбора Крейчикова – аустралиялық Сторм Сандерспен шеберлік байқасты.
Тартысты кездесуде бірінші партияда қазақстандық-үндістандық жұп басымдылық танытты – 6:3. Екінші сетте қарсыластары дәл сондай есеппен есе қайырды – 6:3. Супер тай-брейкте Б.Крейчикова мен С.Сандерс жеңісті жұлып алды – 10:6.
Енді А.Данилина С.Мирзамен бірге жылдың басты турнирлерінің бірі – Аустралия ашық чемпионатында өнер көрсетеді.
![Telegram](https://el.kz/static/site/images/tel26.png)