Жетісуда саятшылар өз таңдауын жасап, дауыстарын берді

Қуаныш Тайбосынов бала күнінен ұлттық ат спорты түрлеріне қызығып, әсіресе тазы асырауға құмартты. Қазір осы ұлттық дәстүрге шындап ден қойған. Ол Кербұлақ ауданындағы №198 сайлау учаскесінде дауыс берді, деп хабарлайды El.kz ақпараттық агенттігі Жетісу облысы әкімдігінің баспасөз қызметіне сілтеме жасап.  

Ит жүгіртіп, құс салып, аң аулап, сятшылықты серік еткен Қуаныш Тайбосыновтың Лашын мен Сұңқар атты екі тазысы бар. Ол жүйрік аттарды баптаудың да қыр-сырын меңгерген. 

«Бүгін саятшы достарымызбен бірге келіп дауыс бердік. Бұл – біздің азаматтық парызымыз. Алдағы уақытта да саятшылықты одан әрі дамытсам деймін» - дейді Қуаныш.