Жасанды интеллект зардабын 20 жылдан кейін көретін боламыз – Дәулет Мұқаев

Мәжіліс депутаты Дәулет Мұқаев мектеп жасындағы оқушылардың жасанды интеллектіні пайдалануына шектеу қою туралы бастама көтерді, деп хабарлайды El.kz ақпарат агенттігі.

Технологияның дамығаны, әрине, жақсы. Бірақ уақыт өте келе миымыздың шектеліп, кішіреюіне алып келетін процес секілді. Қазіргі таңда мектеп оқушыларының арасында ешқандай тапсырманы орындамай, жасанды интеллектке сала салып, отырады. Мектеп жасындағы оқушыларға қандай да бір шектеулер қою керек секілді. Егер ешқандай шектеу қоймасақ, бүгінгі оқушылар кейін студент болып, маман атанып, еңбек нарығына араласқан кезде, зардабын 20 жылдан кейін көретін боламыз. Қазақта «алысты ойламаған, жақыннан уайым табады» деген сөз бар. Бұл да біздің ел үшін келе жатқан үлкен қауіптің бірі, - дейді депутат.