Жас ұлғайған сайын шашқа қандай күтім жасау керек?

Уақыт өте келе шаш табиғи түрде жұқарып, ағара бастайды. Алайда қартаю процесін баяулатудың бірнеше тәсілі бар, деп хабарлайды El.kz интернет порталы.

Шаш түсуін емдеңіз. Жас ұлғайған сайын шаштың өсу қарқыны баяулап, жекелеген талшықтар жұқарады. Бірақ бастапқы кезеңде дұрыс шара қолданылса, оны емдеуге болады. Қандай препарат сізге сәйкес келетінін анықтау үшін дәрігермен кеңескен жөн.

Бас терісін нәрлендіріп, қорғаңыз. Ол үшін қайызғақты, себореялық дерматитті уақтылы анықтап, емдеңіз, бас терісін тазалап, ультракүлгін сәулелерден қорғауды ұмытпаңыз.

Шаш күтіміне дұрыс құралдарды таңдаңыз. Шашыңыздың түріне байланысты шампунь мен кондиционер қолданыңыз.

Шашты сәндеуде сау әдет қалыптастырыңыз. Шаш жуғаннан кейін артық ылғалды сіңіру үшін жұмсақ сүлгіге ораңыз, дымқыл талшықтарды кең тісті тарақпен баяу тарқатыңыз. Фен мен ыстық құрылғыларды барынша аз қолданыңыз, қажет болғанда төмен немесе орташа температураны таңдаңыз және міндетті түрде термозащиталық құрал қолданыңыз.

Тамақтану тәртібін сақтаңыз. Диетаңызда биотин, ақуыз, темір, коллаген секілді пайдалы заттардың жеткілікті болуына мән беріңіз.