Жапонияның бұрынғы премьер-министрі Синдзо Абэ қайтыс болды

Бүгін таңертең белгісіз біреу атып кеткен Жапонияның бұрынғы премьер-министрі Синдзо Абэ арада бірнеше сағат өткенде ауруханада көз жұмды, деп хабарлайды El.kz ҚазАқпаратқа сілтеме жасап.

Бұған дейін ақпарат агенттігі либерал-демократиялық партияның бұрынғы басшысы ауыр жарақат алғанын хабарлаған еді.

Жапонияның халықаралық NHK телеарнасының хабарлауынша, үгіт-насихат науқаны аясында елдің батысындағы Нара префектурасына келіп, халық алдында сөз сөйлеп тұрған Синдзо Абэге белгісіз біреу оқ атқан.

Экс-премьер денесіне оқ тиіп, сол мезетте жерге құлап түскен.

Оқиға жергілікті уақыт бойынша 11:30-да болған. Өрт сөндіру қызметінің хабарлауынша, бұрынғы премьер-министр ауруханаға жеткізілген. Полицияның ақпаратына сәйкес, күдікті оқиға орнында қамауға алынған. Ол - шамамен 40 жастағы ер адам.