Жаңа туған нәресте шұғыл түрде тікұшақпен тасымалданды

«Қазавиақұтқару» АҚ экипажы Қызылорда – Жаңақорған – Қызылорда бағыты бойынша медициналық авиация желісімен жаңа туған қыз баланы шұғыл түрде тасымалдау рейсін орындады, деп хабарлайды El.kz ақпарат агенттігі.

Нәресте кеше ғана дүниеге келген. Ұшу медициналық бригаданың қатысуымен жүзеге асырылды.

Экипаждың ұшуын әуе кемесінің командирі Назель Нұрғалиева пен  Бейсенғали Тоғызбаев басқарды. 

Ұшқыштар мен медицина қызметкерлерінің үйлесімді жұмысының арқасында пациент мамандандырылған медициналық мекемеге сәтті жеткізілді, - деп жазылған ТЖМ хабарламасында.