Жамбыл облысында екі ірі инвестордың құқығы қорғалды

Заң және Тәртіп» идеологиясын іске асыру шеңберінде Жамбыл облысы прокуратурасымен өңір экономикасын дамытуға бағытталған инвестициялық жобалар белсенді сүйемелдеуде, деп хабарлайды El.kz ақпарат агенттігі.

Атап айтқанда мемлекеттік қолдау шараларының негізінде әлеуметтік маңызы бар азық-түлік тауарларды өңдірушілерге электр энергиясының құны жеңілдетілген бағада төленуге жатады. Алайда, әлеуметтік маңызы бар азық-түлік тауарларды өңдірушілердің  тізбесіне жатқызылған жалпы жобалық құны 2,28 млрд теңгені құрайтын Жамбыл ауданының екі ірі инвесторы электр энергиясы үшін 1 кВт сағ жеңілдетілген 35,85 теңгенің орнына 38,44 теңгеден төлеп келген.

Осылайша, инвесторлар мемлекет тарапынан көзделген жеңілдіктермен тиісті дәрежеде қамтылмаған.   Прокурорлық қадағалау шараларының нәтижесінде заңдылықты бұзушылықтар жойылып, кінәлі тұлғалар тәртіптік жауаптылыққа тартылды.