"Жағдайым жақсарды". Жандос Қаржаубай әннен түскен табысы туралы айтты

Жас әнші Жандос Қаржаубай "Көзмоншағым" әні шыққан соң өмірі қалай өзгергенін айтып берді, деп хабарлайды El.kz ақпараттық агенттігі.

"Көзмоншағым" әні соңғы кездері хит әнге айналып үлгерді. Өзбекше әннің қазақша нұсқасын айтып жүрген әнші материалдық жағдайы жақсарғанын атап өтті.

Хит әндерім әрине, өміріме үлкен өзгеріс әкелгені жасырын емес. Тойға тапсырыс көбейді. Халық арасында танымалдылығым арттыруда. Бұрын Төреғали ағаларымыз, Абай Бегей ағаларымыз "Аспанға қараймын" сияқты хит әндердің арқасында үй алдым, материалдық жағдайымды жақсарттым" дегенде, ертегі сынды көріп, сенбейтін едім. Бірақ еңбек бәрін жеңеді екен. Себебі, "Көзмоншағым" шыққалы бері Алматы қаласынан үйлі болдым, астыма су жаңа "Toyota camry - 70" көлігін міндім, - деді Жандос Қаржаубай Nur.kz порталына берген сұхбатында.