Ұйымдасқан қылмыстық топ 55 көлікті заңсыз тіркеген

Ақмолада қылмыстық топ мүшелері 55 автокөлікті заңсыз есепке тіркеген, деп хабарлайды El.kz ақпарат агенттігі.

Қаржылық мониторинг агенттігінің Ақмола облыстық департаменті  жалған төлем және есеп айырысу құжаттарын пайдалана отырып, 55 автокөлік құралын заңсыз есепке тіркеу фактісі бойынша қылмыстық істі тергеді. Бастапқы тіркеу үшін алымды төлемеу салдарынан мемлекетке 401,3 млн теңге көлемінде залал келтірілген.

Қылмысты ұйымдастырушы топ Ақмола облысы полиция департаменті әкімшілік полиция басқармасының бұрынғы аға мемлекеттік инспекторымен бірігіп, 2020 жылғы желтоқсан мен 2022 жылғы қаңтар аралығында тиісті төлемдерді төлемеу, электрондық өтінімдерді бекіту, жалған төлем құжаттарын пайдалану жолымен шетелден әкелінген көлік құралдарын жаппай бастапқы тіркеуді ұйымдастырғаны анықталды.

ҚР ҚПК-нің 201-бабына сәйкес өзге де ақпарат таратылуға жатпайды.

Оқи отырыңыз: 

• Қазақстандықтар шетелден алған автокөліктерді алдымен Қырғызстанға апарып тіркеген
• Павлодарда көлігіне жалған нөмер таққан жүргізуші ұсталды