US Open жеңімпазы рекордтық деңгейде сыйақы алады

2023 жылы АҚШ ашық чемпионатында рекордтық жүлде қоры тіркелді, деп хабарлайды El.kz ақпарат агенттігі.

Ол 65 миллион долларды құрайды, бұл 2022 жылмен салыстырғанда 8 пайызға көп. Әйелдер мен ерлер арасындағы жекелей сында жеңімпаздардың әрқайсысы 3 миллион доллар табады. Өткен жылы чемпиондар 2,6 миллион доллардан алды.

US Open жүлде қоры «Үлкен дулыға» турнирлері арасында рекордтық көрсеткіш болып табылады. Сондай-ақ 1973 жылдан бастап АҚШ ашық чемпионатында ерлер мен әйелдер үшін бірдей сыйлықтар төлене бастады.

US Open-2023 жүлделерін раундтар бойынша бөлу:

Бірінші айналым - 81,5 мың доллар.

Екінші айналым - 123 мың доллар.

Үшінші айналым-191 мың доллар.

Төртінші айналым - 284 мың доллар

Ширек финал - 455 мың доллар.

Жартылай финал - 775 мың доллар.

Финал - 1,5 миллион доллар.

Жеңімпаз - 3 миллион доллар.