ТЖМ құтқарушылары пәтерде қамалған балаларды босатты

Абай облысының Курчатов қаласындағы Жедел қызметтің 112 пультіне Олимпиада көшесінде балалар пәтерде қамалып қалғаны туралы хабарлама түсті, деп хабарлайды El.kz интернет порталы.

ТЖМ дерегінше, анасы дүкенге кеткен кезде балалар есікті өз беттерінше аша алмай, пәтерде қалып қойған.

ТЖМ қызметкерлері оқиға орнында шанц құралдарын пайдаланып, кіре берістегі құлыпты бөлшектеп, ішке кірді. Пәтерде 2015 ж.т. және 2023 ж.т. балалар болды. Олар медициналық көмекке мұқтаж болған жоқ, - делінген мәліметте.

ТЖМ балаларды қараусыз қалдырмауға кеңес береді.