ТЖД Жетісу облысындағы қою түтінге байланысты ескерту жасады

Жетісу облысының Төтенше жағдайлар департаменті көрші Абай облысындағы өрттен өңірді қалың түтін басуына байланысты сақтық шараларын сақтауға шақырды, деп хабарлайды El.kz  ақпарат агенттігі.

Жетісу облысының бірнеше ауданын қою түтін тұмшалаған. Осыған байланысты қауіпсіздік шараларына мән беру керектігі айтылды.

Абай облысының аумағындағы ірі орман өртінің салдарынан жел бағытының өзгеруі нәтижесінде Жетісу облысының бірнеше ауданының аумағы қалың түтінмен жабылды. Осыған байланысты сабырлы болуды және маска киюді сұраймыз. Тыныс алу органдарының аурулары бар адамдарға және қарт адамдарға үйден шықпауға кеңес беріледі, - делінген Жетісу облысы ТЖД таратқан мәліметте.