Түркия профессоры Стамбұлда күшті жер сілкінісі қашан болатынын айтты

Стамбұлда ірі жер сілкінісінің болуы үшін кемінде 20-50 жыл уақыт қажет, деп хабарлайды El.kz ақпарат агенттігі.

Бұл туралы Түркия профессоры Овгюн Ахмет Эрджан әлеуметтік желі X парақшасында жазды.

Оның айтуынша, 23 сәуір күні Стамбұлдың Силиври жағалауында тіркелген 6,2 магнитудалы жер сілкінісі өз белсенділігін толықтай аяқтады.

Стамбұл бағытындағы шығысқа қарай қозғалыс тоқтады, — деп атап өтті профессор Эрджан.