Түркістандық оқушы әлемнің үздік 50 университетінен шақырту алды

Түркістан қаласындағы химия-биология бағытындағы Назарбаев зияткерлік мектебінің 12-сынып оқушысы Дильнура Каримжанова әлемдік университеттердін «QS» рейтингісінде топ 50-ге кіретін беделді жоғары оқу орындарынан шақырту алды, деп хабарлайды El.kz ақпарат агенттігі.

Кентаулық жас дарынға грант ұсынғандар қатарында Азияның үздік университеттерінің бірі - Гонконг политехникалық университеті, АҚШ-тың “Lynn University” оқу орны, Дүнежүзінде ең үздік оқу орны саналатын “New York University Shanghai” филиалы бар. Сондай-ақ, дүниежүзілік үздік 20 оқу орнының қатарына кіретін “CityU Hong Kong”университеті, “Hong Kong Baptiste University”, “Hong Kong University”, ⁠”Simmons University”, ⁠”NSU Florida” мен “Saint Mary’s College of California” сынды оқу орындарынан да шақыртулар түскен.

Өңірлік коммуникациялар қызметінің мәліметінше, Дильнура Каримжанова бастауыш білімді Кентау қаласындағы Ө.Жәнібеков атындағы көпсалалы мектеп-гимназиясында бастаған. Ол “Болашақ” бағдарламасы бойынша БАӘ университеттеріне және басқа да әлемнің үздік университеттеріне құжат тапсырып, нәтижелерін күтуде.

Өзі биология саласы бойынша білім алуды жоспарлап отыр.