Түркістанда мал базарында ақша ұрлаған ер адамды халықтың өзі жазаламақ болған

Түркістан облысы Сайрам ауданында бірнеше адамға қатысты полиция тергеу жұмыстарын бастады, деп хабарлайды Еl.kz ақпарат агенттігі.

Оқи отырыңыз:

• Каспий теңізіне үрмелі матраспен шығып, жоғалған үш қыз іздестіріліп жатыр
• Атырауда тәртіп сақшыларына бағынбаған 5 жігіт қамауға алынды

Куәгерлердің айтуынша, қалта ұрысы адамдардың ақшасын ұрлаған. Оны қолға түсірген тұрғындар өздері жазаламақ болып, соққыға жыққан.

Оқиға орнына сол маңға жақын жүрген полицейлер жіберілді. Олар бір адамға жабылған бірнеше ер адамды ұстады. Бәрі де полиция бөлімшесіне жеткізіліп, сұралып жатыр, – деп хабарлады Түркістан облысы полиция департаментінің баспасөз қызметі.

Ұрлық жасады деген адамның үстінен полицияға ешкім арыз түсірмеген.

Ескерту: бейнеде бейпіл сөздер кездеседі!