Түркістан облысында жүк көліктері үшін қозғалыс шектелді

Ауа райының қолайсыздығына байланысты Түркістан облысының кей жолдарында жүк көліктерінің жүруіне шектеу қойылды, деп хабарлайды El.kz

Бүгін сағат 17:00-ден бастап Түркістан облысындағы Қорғас-Алматы-Тараз-Шымкент автожолының А-2 тас жолында жүк көліктері үшін қозғалыс шектелді.

Ауа райының қолайсыздығына байланысты Түлкібас ауданының аумағында қар мен бораннан жол жүру қауіптілігі артқан. Бұл туралы Түркістан облыстық Төтенше жағдайлар департаментінің баспасөз қызметі хабарлады.

Айта кетейік, Түркістан облысында екі-үш күн қатарынан жауған жаңбыр соңы қарға ұласты. Күннің суытуынан кей бағыттағы жолдарда көктайғақ туындады.