Түркістан облысында кезекті кортеж жүргізушілері жауапкершілікке тартылды, деп хабарлайды El.kz ақпараттық агенттігі.
Әлеуметтік желілерге мониторинг жүргізу барысында, тәртіп сақшыларының назарына Төлеби ауданы жолдарының бірінде жол қозғалысы ережесін бұзған жүргізушілердің бейнежазбасы ілінді. Бұл туралы ІІМ-нің телеграм-арнасында жария болды.
Құқық бұзушы Toyota Land Cruiser және Toyota Camry автокөліктерінің жүргізушілері, яғни Қазығұрт ауданының тұрғындары анықталды.
Қазіргіг уақытта құқық бұзушыларға қатысты ҚР ӘҚБтК-нің 593-бабы 1-бөлігі мен 595-бабы 1-бөлігі бойынша хаттамалар толтырылды. Аталған көлік құралдары айыптұраққа қойылған.