Түркістан облысында жол апатынан 4 адам қаза тапты

Түркістан облысында қайғылы жол апатынан 4 адам қаза тапты, деп хабарлайды  El.kz ақпарат агенттігі ІІМ-нің баспасөз қызметіне сілтеме жасап. 

18 тамыз күні түнгі сағат 23:30 шамасында Бәйдібек аудандық ПБ-нің 102 арнасына жол-көлік оқиғасы болғандығы туралы хабарлама келіп түскен.

Облыстық маңызы бар Шаян-Екпінді тас жолы бойында Nissan көлігі қарама қарсы жол бөлігіне шығып кетіп, өз жолымен келе жатқан Mercedes-Benz 200 автокөлігіне соқтығысқаны анықталды.

Mercedes көлігі өртеніп, ішінде болған үш жолаушы мен жүргізуші оқиға орнында қаза тапты. Алдын ала мәліметтер бойынша, Nissan автокөлігі қарсы бағытқа шығып кеткен.

ҚР ҚК 345-бабы 4-бөлігімен бойынша СДТБТ-ға тіркелді. Тиісті сот-сараптамалары тағайындалып, кінәлі жүргізуші уақытша ұстау абақтысына қамауға алынды.