Түркістан облысында жантүршігерлік жол апатынан 4 адам қаза тапты

Түркістан облысында жантүршігерлік жол апаты болды. Апат салдарынан төрт адам оқиға орнында қайтыс болды. Бұл туралы Түркістан облысы Полиция департаментінің баспасөз қызметі мәлімдеді, деп хабарлайды El.kz ақпарат агенттігі.

Полиция департаменті баспасөз қызметінің мәліметінше, Түркістан облысының «Жетісай-Жібек Жолы» тас жолында төрт адам қаза тапқан жол-көлік оқиғасы бойынша тергеу жүргізіліп жатыр.

Жол апаты «ВАЗ» маркалы автомобильдің «Вольво» жүк көлігімен соқтығысуы салдарынан орын алған. Оқиға болған жерде жүргізуші мен жеңіл автокөліктің үш жолаушысы қаза тапқан, - делінген хабарламада. 

Аталмыш факті бойынша сотқа дейінгі тергеп-тексеру басталған. Барлық мән-жай анықталуда.