Түркістан облысында көпбалалы 100-ге жуық полицей қызмет атқарады

Жауапкершілігі мол жұмыс пен бала тәрбиесін қатар алып жүру оңай шаруа емес, деп хабарлайды El.kz ақпарат агенттігі. 

Солардың бірі – Келес аудандық полиция бөлімінің учаскелік полиция инспекторы Дастан Әмірбекұлы. Cтудент кезінде ол өзінің жан-жары Дариғаға сөз салып, екеуі 25 жылдан бері бірге бақытты ғұмыр кешіп келеді.

Қазіргі таңда полицейлер отбасы көпбалалы жанұялар қатарында. Алты қыз, төрт ұлды өсіріп отырған үлгілі қара шаңырақ. Оған қоса, полицейдің отбасында жақында ғана маңдайы жарқыраған немере дүние есігін ашты. Дастан Әмірбекұлы жұмысында тәртіп пен талапты қатар қойған қызметкер болса, өз шаңырағына тірек болған отағасы, балаларына қамқор әке.