Тоқаев бизнесті мемлекеттік қолдауға ие болу үшін құратындар туралы айтты

12 Қыркүйек 2023, 18:41 1813

Президент мемлекеттен көмек алатындарға айрықша назар аудару керек  екенін айтты, деп хабарлайды El.kz ақпарат агенттігі

Кейде бизнесті кәсіпкерлікпен айналысу үшін емес, мемлекеттік қолдауға ие болу мақсатында құратын жағдайлар кездеседі. Нәтижесінде мемлекеттік қолдау шараларының экономикалық қайтарымы жұмсалған бюджет қаржысының көлеміне сай келмейді, - деді мемлекет басшысы.

2015-2021 жылдары бизнесті мемлекеттік қолдау көлемі (7 трлн теңге) қолдауға ие болған компаниялардан түскен салық түсімдерінің сомасынан 1,5 есе асып түсті (4,5 трлн теңге).

Мұндай жағдай жыл сайын қайталанады. Бизнесті ынталандыру тәсілдерін өзгертуге бағытталған бұған дейінгі әрекеттер сәтсіз болды. Осыған байланысты Үкіметке қолдау шараларына қатысты тетіктерді сапалы түрде жаңғыртуды тапсырамын, - деді Президент.

Ақмарал Ағзамқызы
Бөлісу: