«Титан» су асты қайығының мүшелері қаза тапты

Бұл туралы батискафты ұйымдастырушы компания мәлімдеді, деп жазады El.kz ақпарат агенттігі.

Бұл адамдар шытырман оқиғаның ерекше рухын, сонымен қатар Дүниежүзілік мұхитты зерттеуге және қорғауға деген терең құмарлықты бөліскен нағыз зерттеушілер еді. Осындай қайғылы уақытта біздің жүрегіміз солардың отбасы мүшелерімен бірге, — делінген мәліметте.

Бұған дейін құтқарушылар Атлант мұхитында жоғалып кеткен «Титан» батискафына тиесілі суасты қайығының екі бөлігін тапқан болатын. 

Табылған бөліктердің арасында қону жақтауы мен артқы қақпақ бар екені анықталды. Олар қашықтан басқарылатын аппараттың көмегімен табылды.

Сонымен қатар Атлант мұхитында жоғалған батискафта оттегі таусылғаны айтылған.

18 маусымда туристер «Титан» суасты көлігімен «Титаник» жолаушылар кемесін көру үшін Атлант мұхитының түбіне түсіп, із-түзсіз жоғалып кетті.