Тимофей Скатов Италиядағы турнирде жеңіске жетті

Қазақстандық теннисші Тимофей Скатов кәсіби мансабындағы үшінші Челленджер турнирінің чемпионы атанды, деп хабарлайды El.kz интернет порталы.

Ол Италияның Тоди қаласында өткен жарыстың финалында жергілікті спортшы Стефано Травальяны 7:6 (7:4), 0:6, 6:2 есебімен жеңді.

Бұл жеңіс үшін Скатов 75 рейтингтік ұпай еншілеп, ATP рейтингінде 193-орынға көтеріледі.

Айта кетейік, бұған дейін қазақстандық теннисші 2022 жылы Пармада және 2024 жылы Аугсбургте Челленджер турнирлерінде топ жарған болатын.