Тергеу изоляторына аяқ киіміне телефон жасырып кірмек болған азамат ұсталды

Тергеу изоляторына телефонды аяқ киіміне жасырып кірмек болған азамат ұсталды, деп хабарлайды EL.kz ақпарат агенттігі.

Ақтөбе облысы бойынша ҚАЖД-ға қарасты Nº70 мекемесіне қамауға алынғандарға әкелген сәлем-сауқаттарды тексеру кезінде қысқы аяқкиімнің табанына жасырылған L8STAR телефон, SIM-карта, ақ түсті USB құрылғысы және қара түсті сымсыз құлаққап табылып, тәркіленді.

 Заңға қарсы іс-әрекетке бармақ болған күдікті 36 жастағы азамат екені анықталды. Аталған факті бойынша қылмыстық-атқару жүйесiнің мекемелерiнде, арнаулы мекемелерде ұсталатын адамдарға тыйым салынған заттар, бұйымдар мен басқа да заттарды беру бойынша материал жасалып, өткізбек болған азаматқа қатысты шешім қабылдау үшін іс сотқа жолданды.