Тәжікстан президенті Қазақстанға келді

Тәжікстан президенті Эмомали Рахмон Қазақстан астанасына келді, деп хабарлайды El.kz ақпарат агенттігі.

Эмомали Рахмон бүгін өтетін ҰҚШҰ отырысына қатысады деп күтілуде.

Жиында мемлекет басшылары халықаралық және өңірлік жағдай, оның ҰҚШҰ-ға мүше мемлекеттердің қауіпсіздігіне әсері туралы пікір алмасады, ынтымақтастық нәтижелері мен ұжымдық қауіпсіздік жүйесін одан әрі дамыту перспективаларын талқылайды.

Отырыс қорытындысы бойынша бірқатар құжатқа қол қойылады.