Басты
Жаңалықтар
Қоғам
Таразда аурухананың екі қызметкері 758 млн теңге жымқырған

Таразда аурухананың екі қызметкері 758 млн теңге жымқырған

Мадина Асылбекова
Фото: ©El.kz/Арман МҰХАТОВ

Жамбыл облысының Қалалық көпсалалы ауруханасы бас дәрігерінің орынбасары сотталды, деп хабарлайды El.kz ақпарат агенттігі.

Антикор мәліметінше, Тараз қалалық соты Жамбыл облысының қалалық көпсалалы ауруханасы бас дәрігерінің экономикалық және әкімшілік-шаруашылық қамтамасыз ету жөніндегі орынбасары С.Шаушенова мен бас бухгалтер А. Достаеваға қатысты үкім шығарды.

Олар «Қайрат Құрылыс-ҚК» ЖШС аффилирленген кәсіпорнына жалған құжаттар бойынша заңсыз аудару жолымен 758 млн теңгеден астам бюджет қаражатын жымқырғаны үшін кінәлі деп танылды.

Сонымен қатар бас дәрігердің орынбасары қылмыстық жолмен алынған қаражатты заңдастыру бойынша сотталды, - делінген мәліметте.

Сот үкімімен Шаушенова 9 жылға, Достаева 6 жылға бас бостандығынан айыруға сотталды.

Сонымен қатар сотталғандар қаржылық қызметке байланысты лауазымдарды 10 жыл мерзімге атқару құқығынан айырылады.

тараз аурухана Антикор
Қысқа да нұсқа. Жазылыңыз telegram - ға

Оқи отырыңыз

{