Тамызда «Қара Ай» пайда болады: ол не және неліктен көрінбейді?

23 тамыз 2025 жылы сирек кездесетін астрономиялық құбылыс — Қара Ай құбылысы байқалады. Бұл осы жылдың жалғыз Қара Айы, ал келесісі тек 2027 жылы болады, деп хабарлайды El.kz интернет порталы.

Бұл туралы IFLScience жазды.

Қара Айды көзбен көру мүмкін болмаса да, ол астрономдар мен аспан бақылаушылары үшін маңызды оқиға саналады. Қара Ай — бұл бір маусымда төрт рет жаңа Ай фазасы болған кезде кездесетін сирек құбылыс. Сол жаңа Айлардың екіншісі «Қара Ай» деп аталады.

2025 жылғы тамызда бұл құбылыс маусымдағы үшінші жаңа Ай фазасына сәйкес келеді. Мұндай жағдай шамамен әр 33 ай сайын қайталанады. Соңғы рет маусымдық Қара Ай екі жылдан астам бұрын тіркелген, ал келесісі 2027 жылғы тамызда күтілуде. Ол кезде құбылыс қуатты күн тұтылуымен тұспа-тұс келеді.

Жаңа Ай фазасы кезінде Ай техникалық тұрғыдан аспанда болса да, Жерден көрінбейді. Себебі ол біздің планетамыз бен Күннің ортасында орналасып, жарықты қайтармайды және күндізгі жарықта байқалмай қалады. Бұл жолы ешқандай тұтылу болмайды, сондықтан түн мүлде қараңғы көрінеді. Дәл осы себепті Қара Ай түндері астрономдар үшін бақылауға қолайлы.