Талғар қаласындағы өрт сөндірілді

Алматы облысы Талғар қаласында тұрғын үй аумағында орналасқан моншада өрт шықты, деп хабарлайды El.kz ақпарат агенттігі.  

Тілсіз жау үйдің шатырына да тараған. Төтенше жағдайлар министрлігінің өрт сөндірушілері жедел әрекет етіп, өртті 114 шаршы метр аумақта ауыздықтады. Зардап шеккендер жоқ. Өрттің себебі анықталуда.  

Бұл ретте ТЖМ өрт қауіпсіздігі ережелерін сақтауды ескертіп, қауіптің алдын алу үшін қарапайым ережелерді орындау – өзіңізді және жақындарыңызды қорғаудың тиімді жолы екенін қаперге салады.