Басты
Жаңалықтар
Сотталған Байжанов сот үкіміне қарсы шағым түсірді

Сотталған Байжанов сот үкіміне қарсы шағым түсірді

Жансая Тәуекелқызы
Фото: Жоғарғы сот

Жоғарғы сот Ұлттық экономиканың экс-министрі Қуандық Бишімбаевтың сотталған туысы Байжановтың шағымын қарамақ, деп хабарлайды El.kz ақпарат агенттігі.

Бақытжан Байжановты 13 мамырда 4 жылға соттаған болатын. Ол Астанада Салтанат Нүкенованың өліміне қатысты күдікті ретінде ұсталып, істі болған еді.

Сот кеңсесі Байжановтың атынан кассациялық шағым түскенін хабарлады. Сот оны сәрсенбі, 4 қыркүйекте қарамақ.

Алайда Қуандық Бишімбаевтың өзі әлі Жоғарғы сотқа шағым түсірген жоқ. Бұл туралы оның адвокаты Ерлан Ғазымжанов хабарлады.

Айта кетейік, экс-министр Қуандық Бишімбаев әйелі Салтанат Нүкенованы өлтірді деген айыппен 24 жылға сотталған еді.

Сондай-ақ 26 маусымда сот алқасы Бишімбаев пен Байжановтың апелляциялық шағымы бойынша шешім қабылдап, олардың үкімдерін өзгеріссіз қалдырған болатын.

Ал Салтанат Нүкенованың ағасы Бишімбаевтың үстінен тағы да арыз жазған еді.

жоғарғы сот Қуандық Бишімбаев
Қысқа да нұсқа. Жазылыңыз telegram - ға

Оқи отырыңыз

{