Сметов жоқ: әлем чемпионатына қатысатын отандық дзюдошылар анықталды

Дзюдодан 2024 жылғы Олимпиададан кейінгі алғашқы әлем чемпионаты Будапештте (Венгрия) өтеді, деп хабарлайды El.kz ақпарат агенттігі.

Қазіргі уақытта бапкерлер штабы әлем чемпионатына қатысатын дзюдошылардың тізімін ұсынды:

Ерлер:

- 60 келіге дейін: Мағжан Шамшадин және Шерзод Давлатов

- 66 келіге дейін: Ғұсман Қырғызбаев

- 73 келіге дейін: Есет Қуанов

- 81 келіге дейін: Абылайхан Жұбаназар

- 90 келіге дейін: Мейірлан Максим

- 100 келіге дейін: Нұрлыхан Шархан және Марат Байқамұров

- 100 келіден жоғары: Ерасыл Қажыбаев

Әйелдер:

- 48 келіге дейін: Абиба Әбужақынова және Ғалия Тынбаева

- 57 келіге дейін: Бақыт Құсақбаева

- 63 келіге дейін: Эсмигүл Куюлова

Айта кету керек, бұл құрам – алдын ала жасалған тізім. Бапкерлер алдағы уақытта өзгерістер енгізуі мүмкін. Дегенмен негізгі құрам анықталып қойған. Ал жаттықтырушы-кеңесші Роберт Мшвидобадзе Ғұсман Қырғызбаев, Абиба Әбужақынова және Ғалия Тынбаева Венгрияда өтетін жарысқа нақты қатысатынын растады.

Еске сала кетейік, 2025 жылғы дзюдодан әлем чемпионаты 13-19 маусым аралығында өтеді. Сондай-ақ турнир аясында командалық жарыстар да ұйымдастырылады.