Сингапур президентіне Назарбаев университетінің «Құрметті профессоры» атағы берілді

Сингапур президенті Якоб Халимаға Назарбаев университетінің «Құрметті профессоры» атағы берілді, деп хабарлайды El.kz ақпарат агенттігі.

Якоб Халима бүгін Назарбаев университетінде «Арыстан қаласынан Ұлы далаға дейін» тақырыбында лекция оқыды.

Ол білім, гендерлік теңдік және отбасы құңдылықтары жөнінда айтты. 

Сингапур жастарға білім саласында көптеген мүмкіндік пен жағдай жасады. Қазақстан да білімге көп көңіл бөледі.  Назарбаев университеті студенттерге өзге елде тәжірибе өтуге мүмкіндік жасап, маман ретінде өздерін сынап көруге жол ашты. Бұл тәжірибе алу ғана емес, білімімізбен бөлісіп, мәдениетімізбен танысуға мүмкіндік берді. Осы тұрғыда Қазақстан 2050 жылға дейінгі білім саласына қойған стратегиясы маңызды қадам деп білемін, - деді Якоб Халима. 

Сондай-ақ ол Қазақстан мен Сингапур студенттерінің екі елде де білім алып, тәжірибе алмасуын қолдайтынын атап өтті.