Шымкенттегі мектептердің бірінде оқушы қайтыс болды, деп хабарлайды EL.kz ақпарат агенттігі massaget.kz сайтына сілтеме жасап.

Оқиға 11 қаңтар күні №48 жалпы орта мектебінде 11.00-де дене шынықтыру сабағы кезінде болған. 2010 жылы туған 8 сынып оқушысы есінен танып құлаған. Мектеп медбикесі Розиева Гулжамал спорт залға жылдам жетіп алғашқы көмек көрсетіп, жедел жәрдем шақырды.

Шақыруға келген жедел жәрдем қызметкерлері екінші арнайы шұғыл (экстренный) жәрдем шақырған. Алайда, шұғыл (экстренный) жедел жәрдем келгенше баланың жүрегі тоқтап, қайтыс болғандығын хабарлайды. Кәзіргі таңда құзырлы органдар тарапынан тергеп-тексеру жұмыстары жүргізіліп жатыр, - дейді Шымкент қаласы Білім басқармасының баспасөз қызметі.

Оқи отырыңыз:

• Тұтығып сөйлейтін баланы қылқындырып емдеген әйел желіні шулатты
• Зорланған алматылық қыз әділдік іздеп жүр

Басқарма мәліметінше, қайтыс болған оқушы үйінің ортаншы баласы еді.