Шымкентте дезинсекциялық жұмыстар жалғасуда

Шымкентте қала аумағында масалар мен басқа да зиянды жәндіктерге қарсы залалсыздандыру жұмыстары жоспарға сәйкес жалғасуда, деп хабарлайды El.kz интернет порталы.

Дезинсекциялық бағыттағы жұмыстар саябақтар мен гүлзарларда және өзен-каналдарда қарқынды жүргізіліп жатыр. Осыған байланысты қала әкімдігі тұрғындардан сақтық шараларын ұстануды сұрайды.

Дезинсекцияланған аймақтарда балалардың ойнамауын және тұрмыстық заттардың өңделген жерлермен жанаспауын қадағалау қажет. Тұрғындар өз аулаларын таза ұстап, судың жиналуын болдырмай, зиянкестердің көбеюін алдын ала алады. Ол үшін залалсыздандыру жұмыстарын өз қаражат есебінен жеке тұрғын үйлерде, кәсіпкерлік нысандарда жүргізуге болады.