Басты
Жаңалықтар
Авто
Шумахердің жарыста киген киімі 95 650 еуроға сатылды

Шумахердің жарыста киген киімі 95 650 еуроға сатылды

Мадина Асылбекова
Фото: Твиттер "Феррари"

Формула-1 жарысының аңызға айналған шабандозы Михаэль Шумахердің 2000 жылғы Венгрия Гран-приінде киген жарыс комбинезоны аукционда 95 650 еуроға сатылды. Бұл туралы f1news.ru-ға сілтеме жасай отырып El.kz интернет порталы хабарлайды.

Сол жылы Будапешттегі жарыста жеңісті Мика Хаккинен иеленсе, «Феррари» командасының неміс пилоты Шумахер екінші болып келген еді.

Аукционға тағы бір құнды жәдігер қойылды – Шумахердің 1995 жылы «Бенеттон» сапында өнер көрсеткен кездегі комбинезоны. Ол 61 360 еуроға сатылды. Бұған қоса, 2003 жылғы үлгідегі дулығаның чемпион қол қойған көшірмесі 11 250 еуроға өткен.

Бәссауда Италия Гран-приі күндері Михаэль Шумахер атындағы аймақта, Bonhams аукцион үйінің қолдауымен өтті. Түскен қаржының едәуір бөлігі жеті дүркін әлем чемпионының отбасы құрған Keep Fighting Foundation қорына аударылды.

автоспорт авто аукцион
Қысқа да нұсқа. Жазылыңыз telegram - ға

Оқи отырыңыз

{